قسم الزهيري

موضوع: قسم الزهيري الخميس سبتمبر 01, 2011 7:43 am

قسم الزهيري ( الموال )

الشاعر هاشم الصالحي

ناحل تراني أصبحت والعلتي ماصح دوه
وبريح عاصف قوي چانون گلبي دوه
يلتنشد لحالتي والحال كلش دوه
والقاضي حكمه ظلم أي وحگ سورة بره
مهظوم والحگ ألي والّي كتلني بره
عشرين بارح مضن والجرح أبد ما بره
ياصاحب أرد أسألك الهاي شنهي الدوه

يا صاح جرحي نزف ما بي نفع بلسمه
ونخيت رب العرش يلي أرتفع بالسمه
وأيامي حزن وألم عاده أصبحت بلسمه
والغيث مامر علي وسنيني كلها محل
هايم بأرض الفله لامن سكن لا محل
يالمهدي يمته تمر أسأل سؤالي محل
ينزال عنه الظلم بجاه العرج للسما

ياحيف صحت وأسف حيل أصفگت راحتي
أغظب عليه الوكت جار وسلب راحتي
تطحن بهم الگلب ما بطلت راحتي
چم دوب أصبر بعد من عندي مل الصبر
غصبن عليه أحتمل ألهم وأدگ الصبر
ماظاگ غرسي المطر ظليت مثل الصبر
بس باللحد يا خلگ يمكن أجد راحتي

الشاعر الأستاذ جواد الدراجي

يا صاح لغز الوكـــــت ماينفهم حل الـــــه
عود آنه عــگلي فطن وأصعب درس حلله
بس بقضية الوكت داخ وتعــــب حيـــل اله
وأنشد العنهه درس بلكت يصح حل ألـــــي
لا ني الوراي أسبگت لاني ألحگت حل الي
محرّم عليه الفرح بس الحـــــــــزن حل ألي
وسنين عمري جـــزن وآنه أعله هذا الحال
أوراق أمتحاني بديَ لا سلمــــــــت لا حال
وشما يجي هم ألي مثل اليسبگه وحـــــــال
وشما يطول الدرب زاد وكثر وحـــــــــــله
وين ألگه چف الذي جس الحزن وحـــــــله
وتدري حلات الأمل طعم الشهد وأحــــــــله
وشگد صعب ينوخذ أي شي ألك لو حــــــله
چاكوچ وكتي جبح حط الگـلب لوحه ألــــــه
ينجر بطر عشره أنج يوم أحصلت لوحه اله
وهذا الوكت ما يفك يوم الوله حــــــــــاله بي
من جدودي وارث حزن حالي أرده من حال أبي
ناگه وعگرني گبل يوم الشـــــــبع حــــــــالبي
وهيهات أدينه الوكت نوبه بــــــفرح لولحــــت
والدنــــــيا ما تنكره أله برده لو لحـــــــــــت
يا حالي حايط تنز گاعه شــــلمت لوله حــــت
لوم الوكت چي فته بهـــــــــــدمه وعليه حلله